Efa mandeha amin’izao ny fanadihadihana ireo mpanao kolikoly avo lenta hafa tsy mbola tratra hoy ny Minisitry ny Fitsarana Jacques Randrianasolo.
Tsy hanavahana firehana na antoko-politika ny fisamborana ireo izay manao kolikoly hoy ny Minisitry ny Fitsarana, misy mpiara-dia amin’ny fitondrana amin’izao no hanaovana fanadihadihana ihany koa amin’izao fotoana izao, efa tsikaritra hatramin’izay kosa ny kolikoly nataon’ireo mpandraharaha sy mpanao politika nosamborina faraparany teo hoy ny Minisitry ny Fitsarana; mitatitra ny vaovao Fandresena Aina Manankasina eo amin’ny sariny Harifidy Rakotomalala
Laharam-pahamehan’ny fitondrana amin’izao fotoana izao ny hanafoana ny fanaovana ny kolikoly hoy ny Minisitry ny Fitsarana Jacques Randrianasolo. Tsy hanavahana tavan’olona na antoko-politika noho izany hoy izy ny fisamborana ireo izay manao izany, indrindra fa ny manao kolikoly avo lenta. Eo am-panadihadihana ireo mpandraharaha sy mpanao politika hafa tsy mbola voasambotra nefa ahiana manao kolikoly, isan’izany ny mpiara-dia ny fitondrana amin’izao ny Fitsarana hoy ny minisitra.
Raha ny tena izy aloha tokony tsy hijery tavan’olona izany mihitsy izahay, fa izay tratra ngamba raha ny aty amin’ny coté-ko izany, izaho tsy hijery tavan’olona any, ngamba tamin’ny mbola andron’ny Procuceur Géneral aho dia efa henonareo fa izao ilay izy vao mihetsika, fa izaho no nanenjika ny Premier Ministre ireny, izaho no nanenjika an’ireny satria niaro be an’i Claudine izy ireny dia ireny nenjehako ireny daholo ny Premier Ministre, i Claudine, maro izy no nenjehako tany fa izao ilay izy vao mihetsika satria fa tsy efa tsy eo an-toerana intsony zareo dia sahandry zareo. Efa Tonga izao ilay moment hanenjehana an’izay tsy mety rehetra ary mbola be ny hoavy fa tsy ireny ihany an, izaho milaza aminareo fa mbola be ny hoavy. Fa tsy hilaza kosa ianareo hoe toa ny olona tao amin’ny fitondrana teo aloha daholo no enjehinareo, izay nanao ny tsy nety na teo aloha izy na amin’izao fotoana izao, tsy tsitsiako.
