Herinandro taorinan’ny fotoam-pitsarana, nivoaka io maraina io ny didim-pitsarana mikasika ny raharaha Hugues RATSIFERANA, mpanolo-tsaina manokan’ny Filohan’ny repoblika teo aloha sy Harivelo Niaina Tantely. Sazy mihatra heritaona an-tranomaizina sy lamandy 5 tapitrisa ariary, izay ny valin’ny didim-pitsarana. Manana 10 andro ity farany raha manam-pikasaha hampiakatra ny raharaha. Raha tsahiviny, fanodikodinana ny fananam-panjakana, izany hoe fakana sy fitaomana fananam-panjakana tsy nierana sy tsy nahazoana alalana, izay amin’ny ankapobeny no niapangana azy ireo. Ankilan’izay kosa dia mitohy ihany koa ny raharaha Mbola Rajaonah, raha toa ka mbola miandry ny fotoam-pitsarana eny Tsiafahy ity mpanolon-tsaina manokan’ny Filohan’ny repoblika mivady teo aloha ity. Fantatra amin’izao fa taorinan’ny fitoriana napetraky ny fiadidian’ny repoblikan’ny Madagasikara ny zoma teo, naverin’ny Mbola Rajaonah ny fiara limousine Mercedes blindé S600, ity fiara ity izay niniany notazominy sy nafeniny na efa niova aza ny Filohan’ny repoblika. Raha ny fanadihadiana natao hatrany, tsy io ihany no fitaovam-panjakana tsy hita eo anivon’ny fiadidianan’ny repoblika sy ireo andrim-panjakana hafa. Andrasana arak’izany ny tohin’izay.
Raharaha Hugues Ratsiferana voasazy herintaona an-tranomaizina sy Mbola Rajaonah namaeina ilay mercedès blindée – KOLO TV du 20 février 2019
-
- Advertisement -![spot_img]()
![spot_img]()