Tranga iray toy ny tongo-bakivaky ity kolikoly eto amintsika ity, satria dia sady maharary tokoa no mahamenatra. Mampalahelo mahalasa fisainana fa ny kolikoly avo lenta no tena ahaitana taratra ny “fahaiza-manao” sy ny “traikefa”-n’ny sokajin’olona zatra an’izany.
Herinandro vitsy lasa izay dia voatery nandray fanapahan-kevitra ny tompon’andraikitra ara-panjakana na nanafoana ny fanadinana fifaninanana handraisana mpianatra ho mpitsara. Ny antony dia noho ny fisian’ny kolikoly avo lenta.
Raha ny akom-baovao fantatra nateraka ny fanadihadiana dia nisy ihany ny fepetra isan-tokony napetraka mba hajaina mba hahafahana miroso lalindalina kokoa amin’ny fikarohana ny marina sy ny tompon’antoka tamin’izany kolikoly izany. Teo ny efa nanaisorana ny tompon’andraikitra ambony sasany tao amin’ilay sekolim-pirenena manofana ny ho mpitsara sy ho mpiraki-draharaham-pitsarana (Enmg). Teo koa ny hoe “foanana iny fanadinana fifaninanana iny ka haverina”. Nisy koa ny hoe “idina ao anatin’ny efi-trano iray manokana ny taratasim-panadinana nirakitra an’ireo lazaadina sy ny valin’izany tamin’ireo mpifaninana, ary tsy azo vahana io efitrano io raha tsy ny manam-pahefana ara-panjakana sy ara-pitsarana no miara-manokatra azy” (scellé).
Ny anton’ity fepetra iray farany ity, raha ny akon’ny fitrandraham-baovao, dia mba hanaporofoana tokoa ny zavatra natao tao anatin’iny kolikoly avo lenta iny.
Re mantsy fa taorian’ny fanadinana dia niditra tao amin’ny efitrano nitehirizana an’ireo taratasim-panadinana (lazaadina) ny tompon’andraikitra ambony iray, niaraka tamin’olona roa hafa (???), izay tamin’ny misasak’alina. Teo no niaingan’ny ahiahy momba io kolikoly avo lenta io.
Akory ny hagagan’ny tompon’andraikitra isan-tsokajiny ao amin’ity sekolim-pirenena ambony manofana ho mpitsara sy ho mpiraki-draharaham-pitsarana (Enmg) ity fa ny alakamisy teo dia nisy tompon’andraiki-panjakana ambony niditra ka zary namaha ilay efi-trano nogiazana (scellage). Ary taorian’izay dia ny fahamaizan’ireo taratasim-panadinana nogiazina ary nambara fa isan’ny ho fototra ny fanaovana fanadihadiana no nitranga.
Dia ahoana izany? Voafafa ve izany ny porofo tokony hahafahana mamantatra ny tompon’antoka tamin’io kolikoly avo lenta tao amin’ny sekoly Enmg io ?
Ralay
Preuves matérielles. Toutefois, grande fut la surprise du Bianco d’apprendre que la ministre de la Justice – accompagnée du DG de l’ENMG – a choisi la Journée de la Femme pour effectuer avant-hier une descente à Tsaralalàna pour ordonner la levée des scellés posée par le Bianco et l’incinération des copies du premier concours. Sans aller jusqu’à parler de destruction ou de dissimulation de preuves matérielles, ni de modification de l’état des lieux d’un délit, le Bianco de déplorer que l’opération d’avant-hier n’est pas de nature à faciliter ses investigations. Ambohibao se défend aussi de suspecter Faravohitra de vouloir faire obstacle à la manifestation de la vérité, quand bien même, il n’y aurait pas de fumée sans feu. Sur les copies s’entend.
Midi madagasikara du 10 mars 2018
