Taorinan’ny nandorana ireo taratasim-panadinana teny amin’ny ENMG, niroso tamin’ny fankana ambavan’ireo olona voakasika izany ny ny tompon’andraikitra, raha nambaran’ny Bianco, olona telo no voakasina izany mivantana. Gaétan Andriatsilavo
Ny faran’ny herinandro teo no nanateran’ny Bianco teny amin’ny Pac na ny Pole anti-corruption ny raharaha fandorana antontan-taratasy teny amin’ny ENMG iray taona lasa izay. Olona telo no voakasika mivantana amin’izany : ny minisitry ny fitsarana tamin’izay fotoana, ny tale jerenalin’ny ENMG teo aloha ary ny surveillant général ny sekoly teo aloha. Raha ny loharanom-baovaoa azo, ity farany no tonga namaly ny fiantsoana teny amin’ny Pac, ary arahina maso amin’izao fotoana. Antony tsy nahatonga ireo roa voalohany raha ny fanazavana ny hoe misy fenitra tsy maintsy arahina amin’ny fiantsoana azy ireo. Ohatra amin’izany ny ao amin’ny lalam-panorenana izay milaza fa tsy tompon’andraikitra amin’ny crime na délit mifandray amin’ny asany amin’ny fotoana nisehoany ny mpikambana eo anivon’ny governemanta teo aloha raha tsy eo anatrehan’ny Haute Cour de Justice. Raha tsiahivina, ny faha 8 ny volana Martsa 2018 no nisehoan’ny tranga fandorana ireo atontan-taratasim-panadinana notanana ho porofo natao-na tompon’andraikitra tao ambony tao amin’ny ENGM Tsaralalala. Nanamafy ny eo anivon’ny Bianco fa tsy maintsy hovitaina hatramin’ny farany avokoa ary tsy asiana fanavahana ireo fanadihadihana nandrenesana fitarainana sy nahazoana fitoriana manoloana ny trangana kolikoly teo amintsika na eo aza ny fahasarotana amin’ny fanatanterahana ny asa
